როდესაც ორგანიზაცია შტატებს ამცირებს ეს მხოლოდ იმას კი არ ნიშნავს, რომ მას გარკვეული პრობლემები აქვს, არამედ იმასაც, რომ მენეჯმენტს წარმოდგენა არ აქვს ამ პრობლემებიდან ორგანიზაცია როგორ გამოიყვანოს. ანუ შტატების შემცირებას მენეჯმენტი ხშირად მაშინ იწყებს, როცა მას კრიზისიდან გამოყვანის ცხადი გეგმა არ აქვს.

სწორი რეორგანიზაცია პირდაპირ არ ნიშნავს შტატების არც დამატებას, არც შემცირებას. ეს პროცესი ორგანიზაციას ეხმარება იმავე რაოდენობის და უფრო მეტიც იმავე ადამიანების ისეთი გადაჯგუფების გზები იპოვოს, ისე გადაანაწილოს მათ შორის როლები, პასუხისმგებლობები და ძალაუფლება, იპოვოს მათ შორის კომუნიკაციის და კოორდინაციის ისეთი ფორმატები, რომელიც ორგანიზაციას გაათავისუფლებს ბევრი არსებული ბორკილისგან, მისცემს ამოსუნთქვის და ახალი ძალებით ყოველდღიურად ბევრად პროდუქტიულად და წარმატებით მუშაობის შესაძლებლობას.

ძალიან ბევრ ორგანიზაციაში, სადაც სტრუქტურის ანალიზს ვაკეთებთ ან რეორგანიზაციის პროექტს ვიწყებთ, როგორც უმაღლესი, ისე შუა რგოლის მენეჯერები და რიგითი თანამშრომლები იწყებენ ფიქრს, რომ ამ პროცესს შტატების შემცირება მოყვება ალბათ.

არადა როგორც კი განვითარების, ან ორგანიზაციის კრიზისიდან გამოყვანის გეგმა ცხადი ხდება, არათუ შემცირება, არამედ თითოეული შტატიც და კადრიც უძვირფასესი აქტივი ხდება.

რაც უფრო კარგია და ცხადი გეგმა და რაც უფრო სწორად ხდება ამ გეგმასთან სტრუქტურის მორგება, მით უფრო უკეთესად შეძლებს ორგანიზაცია მისი თითოეული კადრის პოტენციალის და უნარების გამოყენებას.

აპრილი, 2015წ