თუ ორგანიზაციისთვის არასტრატეგიულ ფუნქციებს ორგანიზაციის გარეთ გავიტანთ, ანუ მოვნახავთ ამ სერვისების ან პროდუქტების კარგ მომწოდებელს, ან თუ ასეთს ვერ ვიპოვით, ერთხელ გავიჭირვებთ და ჩვენის ბაზაზე ასეთ სპეციალიზირებულ ორგანიზაციას შევქმნით, მომავალში ბევრ რესურსს დავზოგავთ და სტრატეგიული ფუნქციების უკეთ განვითარებასაც შევუწყობთ ხელს.

ხშირად ისე ხდება, რომ არასტრატეგიულ ფუნქციებს იმაზე მეტი დრო, ყურადღება და ფინანსური რესურსი მიაქვს ორგანიზაციაში ვიდრე ეკუთვნის მათი მნიშვნელობიდან გამომდინარე, რაც თავისთავად იმ ფუნქციებს აკლდება, რომელთა გამართულ ფუნქციონირებაზე და განვითარებაზე ორგანიზაცია სასიცოცხლოდ არის დამოკიდებული.

მეორეს მხრივ, თვითონ ეს ფუნქციაც, კონკურენციის გარეშე გრძნობს თავს და არ ვითარდება ხარისხიანად, რაც დროთა განმავლობაში მის ღირებულებას სულ უფრო ამცირებს.

იმ ორგანიზაციას კი, სადაც ეს ფუნქციები გავა, გაუჩნდება შესაძლებლობა გაცილებით ჯანსაღი მოტივებით, სწორი დანიშნულებით, უფრო ძლიერ ორგანიზმად იქცეს.

***სტრატეგიულ ფუნქციებს ისეთ ფუნქციებს ვუწოდებთ, რომელთან კეთება ორგანიზაციის შიგნით გვირჩევნია მაშინაც კი თუ ძალიან კარგი მომწოდებელი არსებობს ბაზარზე. ვინაიდან გვესმის, რომ მხოლოდ ასეთი გზით დაგროვდება ჩვენთვის მნიშნელოვანი კომპეტენცია ორგანიზაციის შიგნით.